意外保險注意地方及意外保險甚麼情況有得賠

意外保險是最常見的保險

一份全面的意外保險由三部份組成,當中包括意外死亡及斷肢賠償,意外醫療賠償,以及每週意外入息賠償.
一般來說,意外死亡及斷肢賠償是必備的,而另外兩項是附加的,但我們也會建議最少也要包括意外醫療賠償,而日薪工作的人士更應包括每週意外入息賠償.
有些人會喜愛買有保費回贈的意外保險,其實經過計算,也不是很划算的,只是退回多交了的保費,實際的意外保險費用還是從中被扣除了.
意外保險不會每年加價,只會從受保人的工作性質而保費有所不同.
由於意外保險是人生中最經常會claim得到的,最好還是找個可靠的agent跟一跟,好過去銀行...而且銀行的意外保險大多沒有意外醫療賠償. 

意外保險甚麼情況有得賠?抝柴或打球扭傷，個人意外保險包括嗎?

呢一層要睇買嗰份意外保險有冇包埋意外醫療的嗰一部份。
如果齋係意外保險，拗柴係冇得賠！只有意外死亡至有得賠！
如果嗰份意外保險有包埋意外斷肢及永久傷殘，咁就只有斷肢／永久傷殘及意外死亡先有得賠。
若果嗰份意外保險有包埋意外醫療，咁樣因意外受傷而要就醫，咁就有得賠！但必須要睇清楚份保單內容，睇中醫／跌打，是否在意外醫療的保障範圍內，如果有，咁樣睇跌打就有得賠。否則你最好問清楚保險公司是否有得賠！
最後亦都有啲保險計劃甚至包埋因為意外而暫時不能工作，休息期間，每個禮拜都會有錢支付，以彌補因為期間不能工作而導致的經濟損失。不過相對嚟講，這類保險的保費亦是所有意外保險中最高昂！
都係嗰句啦：買之前要搞清楚所買是那一類型的保單先至好買！